B08. Hizkuntza-harrera eta hizkuntza-ohituren eraldaketa

Herrira iritsi berriei hizkuntza-harrera egiten zaie, eta aldi berean, bertan bizi direnak erabileraren inguruan sentsibilizatzen dira, horrela hizkuntza-ohiturak eraldatuz: lehen hitz euskaraz eginez, euskaraz hitz egiteko gune seguruak sortuz, elkarrizketa elebidunak erraztuz eta hiztun ez perfektuak onartuz.

Azpi-baldintzak

• Espazio informal eta seguruak sortu dira herrian, hizkuntzari lasai heltzeko.
• Harrerarako erreferentziazko gune fisiko bat sortu da, eta etorri berriei euskarazko harremanak garatzeko aukera eta heldulekuak eskaintzen zaizkie, betiere harrera euskaraz eginez eta eskaintzarekiko irisgarritasuna bermatuz.
• Euskara harkorra eta erakargarria da, eta lehen hitza euskaraz egiteko prestutasuna dago norbanakoen aldetik.
• Herri mailako murgiltze-plana dago, eta herritarrak euskararen erabilera aktiboki sustatzen dute.
• Euskara eskaintzea eta eskatzea modu eskuzabalean gertatzen da herrian, jendartearen aldetik, elkarrizketa elebidunak errazteko jarrerarekin.
• Herritarrek hizkuntza-ohituren inguruko kontzientzia dute, informazioa eta datuak zabalduz, eta gaztelaniaren erosotasunetik irteteko ahalegina egiten da.
• Etxe barruko euskararen transmisioa bermatzen da, eta euskararen ikaskuntza positiboki onartzen da, erabilera sustatuz eta ikasteko ahalegina baloratuz.
• Euskaraz aritzeko gune seguru, eroso eta informalak sortu dira herrian, non euskara ez-perfektua eta hiztun ez-perfektuak onartu eta balioan jartzen diren, baita euskaraz ez dakitenek ere parte hartzeko aukerak dituzten.
• Euskaraz ikasten ari direnek praktikatzeko eta harremanak garatzeko babesguneak dituzte herrian.
• Lanerako baliabide teknikoak euskaraz daudela bermatzen da.
• Herriko eremu guztietan estres linguistikoa murriztu da.

1. Prozesuan marraztutako norabidea

2 urte

• Hizkuntza-harrerarako dekalogo bat egitea.
• Sentsibilizazio-kanpainak edo eguneroko hitzak ikasteko kanpainak egitea: elgoibartarrez hitz egiteko gako-hitzen bilduma.
• Herrian euskarara hurbiltzeko «aitabitxi» edo laguntzaile figura zehatz bat proposatzea.

5 urte

• Harrerarako espazio propio bat sortzea, herritarren egungo beharretara egokitutako arretarekin.
• Euskara ezagutu eta praktikatzeko dagoen guztia sarean konektatu eta egituratzea.

Identifikatutako eragileak eta egiturak

Daudenak

Udala, prozesuaren gidaritzarekin.

Sortzekoak

Harrerarako espazio propioa; eragileen arteko konexio-mahai edo sarea; laguntzaile figura.

Identifikatzeko daudenak

Kode numerikoz erregistratutako bost eragile. Dokumentuak berehalako helburutzat profilak identifikatzea ezartzen du.

Fase honetarako abiapuntua

B08k bi errealitate uztartzen ditu: Elgoibarrera iristen diren pertsonen hizkuntza-harrera eta dagoeneko herrian bizi direnen hizkuntza-ohituren eraldaketa.

1. Prozesuan biak baldintza beraren barruan mantentzea erabaki zen. Proposamenak lantzerakoan, ordea, lan-ildo desberdinetan jorratu daitezke. Gainera, azpi-baldintza asko oso operatiboak dira —lehen hitza, praktika-guneak, harrera, elkarrizketa elebidunak, baliabide teknikoak, familia-transmisioa edo estres linguistikoa— eta eragile desberdinek zuzenean har ditzaketen konpromisoetara eramateko aukera ematen dute.