Aurreko prozesuan adostutako zortzi baldintzetatik abiatzen gara, nola eraiki ziren, zer planteatzen duten eta hurrengo urratserako zer material utzi zuten berrikusiz. Fase honetan baldintza bakoitzean eragiteko gaitasuna duten eragileak identifikatu eta aktibatzen dira, eta elkarrekin nola lan egingo den adosten da.

Zortzi baldintzetatik abiatuta, herritarren eta eragileen konpromiso-proposamenak jasotzeko partaidetza-espazioak aktibatzen dira. Proposamenek baldintza bakoitzean aurrera egiteko zer egin litekeen planteatzen dute; oraindik ez dira konpromisoak, eta ondoren kontrastatu eta zehaztu beharko dira.

Proposamenak kontrastatu eta zehazten dira, eta haien bideragarritasuna aztertzen da. Aberastu, birformulatu edo beste proposamen batzuekin bateratu daitezke, eta haiek bere gain har ditzaketen pertsona edo erakundeekin lantzen dira.

Kontrastatutako proposamenak haiek bere gain har ditzaketen pertsona, elkarte edo erakundeekin lantzen dira. Proposamen bat benetan bere gain hartzen denean, konpromiso bihurtzen da, eta aurrera eramateko ardura nork hartzen duen identifikatzen da.

Hartutako konpromisoak Herri Itunean integratzen dira, dagozkien baldintzekin eta arduradunekin lotuta. Abenduaren 3an mugarri publikoa egiten da hartutako konpromisoak ezagutarazteko, Herri Itunaren dimentsio kolektiboa indartzeko eta herritarren parte-hartzea bultzatzeko.