B02. Euskara ikasteko sarbide bateratu, eskuragarri eta malgua

Euskaraz alfabetatzeko eta euskara ikasteko guneetara sarbide bateratu, eskuragarri eta malgu bat sortu eta ezagutzera eman da, eta ondorioz, euskara ikasteko premia duen herritar orori (etorri berriei barne) euskarara sarbidea erraztu zaio.

Azpi-baldintzak

• Euskara ikasteko gunearen kokapena, ordutegia eta baliabideak herritarren beharretara egokitzea eta malguak izatea.
• Euskara ikasteko guneen eta bestelako herriko zerbitzuen (adibidez, ludoteka) arteko harremana eta osagarritasuna bermatuko da.
• Euskara ikasteko aukerak eta baliabideak (aplikazioak, klaseak...) ezagutzera ematen dira herrian.
• Herri mailan familiei euskara ulertzeko aukerak eta tresnak ematea, aniztasuna bistaratuz eta euskarak inklusiorako tresna gisa eta maila sozio-ekonomikoan izan dezakeen eragina ikusaraziz.
• Etorri berriei euskaraz garatzeko bideak eta baliabideak eskaintzea, helduleku izan daitezen.
• Profesionalei euskara ikasteko formakuntza eta baliabideak eskaintzea.
• Arlo publikoan euskara ikasteko baldintzak bermatzea.
• Herriko ikasketa guneak eskuragarri daude, zerrendatuta eskaintzen dira eta modu errazean identifikatzen dira.

1. Prozesuan marraztutako norabidea

2 urte

• Laguntza ekonomikoak —bekak— eta bestelakoak —ordutegiak— birplanteatzea: aurrez aurrekoak eta online, eta zaintza-zerbitzuarekin.
• Online eskolak eskaintzea eta inguruko udalerriekin sinergiak bilatzea maila bereko talde errealak osatzeko.
• Udal plan partekatu bat egitea, ondo islatua, orientazio argiarekin eta toki bakarrean.

5 urte

• Alfabetatze estrategia orokorra eta plan integrala birplanteatzea, AEKren, udal euskaltegiaren eta ikastetxeen arteko sinergiak bilatuz.
• Familien zaintza-zerbitzu lagunduak edo diruz lagunduak eskaintzea, ikasi nahi duenak kostu hori bere gain hartu behar ez dezan.

Identifikatutako eragileak eta egiturak

Daudenak

Udala, euskalgintza, euskaltegiak (AEK eta udal euskaltegia), hezkuntza-mahaia eta familia-elkarteak.

Sortzekoak

Udal plan partekatua eta informazio-puntu bakarra.

Fase honetarako abiapuntua

B02 oso garatuta iristen da fase honetara. Sarbideari lotutako hainbat dimentsio zehatz identifikatuta daude: prezioa eta laguntzak, ordutegiak, kokapena, zaintzak, online aukerak, informazioa, familien beharrak, etorri berriak eta baliabideen koordinazioa.

Gainera, balizko eragile arduradun asko dagoeneko identifikatuta daudenez, baldintza egokia da proposamenak erantzukizun eta konpromiso zehatzetara eramateko.