B06. Euskal identitate ireki, eskuzabal eta harkorra

Euskal identitate ireki, eskuzabal eta harkorra eraiki da, kolektiboki harrotasun eta kontzientziarekin bizi dena; horretarako aurreiritziak eta jarrera baztertzaileak alboratu dira eta euskararen presentzia eta erabilera espazio publikoan zaintzen eta bermatzen da.

Azpi-baldintzak

• Euskara irekia eta harkorra da eta hiztun konprometituak daude.
• Hizkuntzarekiko konpromisoa, sentimendua eta kontzientzia indartu dira, tituluetatik haratago, euskararekiko atxikimendua garatuz.
• Euskarazko paisaia linguistikoa handitu eta bermatu da.

1. Prozesuan marraztutako norabidea

2 urte

• Adinaren araberako taldeak aktibatzea, kezkak lantzeko eta euskaraz hausnartzeko.
• Euskaldun izateko modu anitzen dibertsitatea sozializatzeko truke-programa bat sortzea.
• Udal informazioaren eta espazio publikoetako kartelen hizkuntza euskara izatea.
• Euskara izatea ekitaldi publikoetako lehen hizkuntza.
• Udal langileen lehen hitza euskaraz izatea.

5 urte

• Adinaren arabera antolatutako talde aktiboak —gazteak, familiak, erretiratuak— sendotuta egotea eta erronka honi zuzenean erantzuteko gai izatea.

Identifikatutako eragileak eta egiturak

Daudenak

Udala ardatz gisa. Eragile pribatu, publiko eta elkarteetakoak, zehaztu gabe.

Sortzekoak

Adinaren araberako taldeak eta truke-programa.

Identifikatzeko daudenak

Kode numerikoz eta kategoria generikoz erregistratutakoak.

Fase honetarako abiapuntua

B06k bi plano uztartzen ditu. Batetik, neurri zehatz eta ikusgarriak daude: udal komunikazioa, kartelak, ekitaldi publikoetako hizkuntza edo udal langileen lehen hitza. Bestetik, izaera sozial eta komunitarioagoa duten aldaketak daude: aurreiritziak, konpromisoa, atxikimendua, harrotasuna eta euskaldun izateko modu desberdinak.

Proposamenen lanketan, beraz, komeni da bereiztea zein ekintza har ditzakeen erakunde batek zuzenean eta zeinek behar duten herriko beste eragile batzuekin lankidetza eta erantzukizun partekatua.