[Gainbegiratu] 5. ETE saioa · Jarraipenerako oinarriak

Zertarako

Elkarrizketa Talde Eragilearen azken baldintza sorta aurkeztea, epe labur eta ertaineko baldintzen gauzapen maila irudikatzea eta taularatzea, agente nagusiak identifikatzea, eta Batera Elgoibarren prozesuaren bizipenak ezagutzera ematea eta itxiera egitea.

Nola landu dugu

Baldintzen azken bertsioa aurkeztu zen, irakurketa azkarra eta adostasun orokorra baieztatuz. Ondoren, talde txikitan banatuta, talde bakoitzak esleitutako baldintzaren araberako egoera irudikatu zuen bi epetan: epe ertaina (5 urte) eta epe laburra (2 urte). Galdera gidaria hau izan zen: zein egoeratan egon beharko ginateke aukeratu ditugun baldintza hauetan, epe hauetan?

Zer atera da

Zortzi baldintzak landu ziren, bakoitza gometsen bidez balioetsita eta epe ertain zein laburrerako ekintzekin osatuta:

1. Kulturartekotasuna (7 gomets). Hizkuntza eta kultura anitzeko pertsonen arteko ezagutza, trukea eta elkarrekintza sustatzea. Epe ertainean, gune zentralizatu baten sorrera proposatu zen; epe laburrean, kulturartekotasun festa iraunkorra finkatzea, adituen hitzaldiak eta herriko kultura ezberdinetako aliatuak saretzea (hezkuntza mahaia baliatuz).

2. Euskara ikasteko sarbidea (8 gomets). Euskaraz alfabetatzeko eta ikasteko guneetara sarbide bateratu, eskuragarri eta malgua sortzea, etorri berriak barne. Epe ertainean, alfabetatze-estrategia orokorra eta ikastetxeen arteko sinergia bilatzea; epe laburrean, laguntza ekonomikoak eta zaintza-zerbitzuekin lotutako klase telematikoak, eta udal plan bateratua. Agenteak: udala, euskalgintza, euskaltegiak, hezkuntza mahaia, guraso elkartea.

3. Euskara bizipen positiboekin lotzea (10 gomets). Euskara kirola eta aisiarekin lotzea, erreferente positiboak sortuz. Epe ertainean, aisialdiko eragileei euskara-maila eskatzea eta kulturgintzaren liburu-zuria berreskuratzea; epe laburrean, Kirola Euskaraz mahaia sortzea eta herri mailako talde bat eratzea.

4. Euskararen inguruko errelato berritua (7 gomets). Historia, nortasuna eta transmisioa belaunaldien artean lantzea. Epe ertainean, herri-galdeketatik ateratako ondorioak segmentatzea eta pertsonen sarea sortzea; epe laburrean, galdeketa luzatzea eta figura publiko identifikagarriak irudikatzea.

5. Segregazioari aurre egitea hezkuntzan (18 gomets — baldintza gehien baloratua). Hezkuntza politiketan indarra jarri eta segregazioaren kontzientzia kolektiboki hartu. Epe ertainean, hezkuntza komunitateak neurri zehatzak hartzea; epe laburrean, kuotak eta gehiegizko kostuak kentzea zentro guztietan, eta gaiari buruzko hitzaldiak antolatzea.

6. Euskal identitate irekia (7 gomets). Aurreiritziak alboratzea eta euskararen presentzia espazio publikoan bermatzea. Epe ertainean, adinka antolatutako taldeak egonkortzea; epe laburrean, truke-programa bat sortzea eta udal informazioa/ekintza publikoak euskaraz lehenestea. Udala ardatz gisa identifikatu zen, eragile guztien parte-hartzearekin.

7. Euskararen inguruko herri-ituna (7 gomets). Herrigintza aktibo baten bidez kontzientziazioan sakontzea. Epe ertainean, koordinazio-mahaietako eragileek beren proiektuak garatzea; epe laburrean, euskararen koordinazio-mahaia sortzea, udalak eta euskara elkarteek bultzatuta.

8. Hizkuntza-harrera etorri berriei (11 gomets). Lehen hitza euskaraz egitea, gune seguruak sortzea eta hiztun ez-perfektuak onartzea. Epe ertainean, harrera-gune propioa sortzea; epe laburrean, hizkuntza-harrerarako dekalogoa eta sentsibilizazio-kanpaina zehatzak lantzea (hitz gakoen bilduma, aitabitxi proposamena). Udalak prozesuaren gidaritza hartuko du.

Zer geratu da irekita

• Herri-itunaren baldintzarako (7. baldintza) agente eta harremanen identifikazioa oraindik zehazteke dago.

• Hizkuntza-harrerarako proposamena (aitabitxi figura) zehazteke dago oraindik.

• Errelatoaren inguruko herri-galdeketa zein formatutan egingo den ez da erabaki.

Zer eramaten dugu hurrengora

Eragile guztien artean, oraingo helburu nagusia perfilen identifikazioa da: nortzuk diren agente klabeak baldintza bakoitza gauzatzeko, eta nola koordinatuko diren udalaren gidaritzapean.